Monday, September 26, 2011

mari belajar loghat negeri sembilan

Dicoretkan oleh sephia sophia pada Monday, September 26, 2011
Den ado soghang kawan ni ha, namo eh S. Den maleh nak sobut namo ponuh eh, kang banggo lak deh, kombang lak idung eh kang tak kuncop-kuncop. Da la omak den memang pangge eh Cik S Wan Kombang. Dio ni la kawan den sojak sekolah rondah maghin. Tapi maghin den tak rapat bona ngan dio ni. Stat pas sekolah ni ha den mulo rapat. Dio ni ngan den peraghai eh lain macam sket, lagi-lagi sekaghang ni ha, godik semacam yo den nengok. Bungo-bungo ati eh setiap kali jumpo den. Tapi den tak kisah la. Kadang-kadang den goma lak kacau dio ni. Dio pun kacau den yo kojo eh.. Takdo kojo lain gak eh. Den ngan dio pun samo yo. Kalau jumpo, tak godik memang tak sah. Duo-duo samo yo godik. Ala godik ngan membe-membe apo salah eh.. takdo masalah eh do.

Ghayo ni dio ado bagi den kad ghayo, dio buek sendighi tu poit. Ni ha kad eh.. dalam eh tak leh nengok la, malu deh kang, haha.





Sekaghang ni den ngan dio belaja pun jauh-jauh, susah plak nak jumpo. Cuti la baghu jumpo ni kang. Ha ni kang ado la cito dio nak cito ngan den tu, dah agak dah. Dio ni peghamah, potpet sket (ha jgn mara). Kono la ngan den kan, den ni pendiam yo.. Kalau ado mondo nak burak, baru den burak. Kalau ado cito, baru den cito. Den ngan dio ni, nak koba sayang tu, tak gak. Takdo la, oghang koba kalau sayang bebona kang jadi gaduh plak. Jadi den maleh la nak sayang kau S. Bukan sobab den bonci, tapi sobab den tak nak gadoh ngan kau lak. Ok la maleh den nak cito panjang-panjang pasal dio kat sini, menghabihkan bogheh yo.. hikhikhik.



p/s: ok tak loghat n9 den? Haha. bagi sape-sape yg pure n9, sori la kalau salah tulis. Sebab den pn ckp loghat tak pekat na.

p/s: kamus n9.. maghin – dulu, sekaghang – sekarang, ‘gh’ – ‘r’, deh – dia, burak – borak, koba – cakap/bagitahu.

30 orang berkata-kata:

Anonymous said...

Wow, interestinglah ur loghat n9. Btw, bogheh tu ape? beras ke?

sephia sophia said...

hahaha boleh la... haah bogheh tu beras.. :)

AnaMuslimahMart said...

bongih tu apa ye?

sephia sophia said...

bongih=bengis..hehe..maknenya marah la :)

buyuaang said...

hahaha bahasa minang kau rancak, indak jauah babeda dari bahaso minang den disiko. den bangga karano urang minang bisa sampai jauah marantau ka nagari subarang

are you understand ? I'm from padang, sumatera barat, indonesia. hometown of minangkabaunese:D

sephia sophia said...

haha ni bahaso minang ko? raso eh kalo bahaso minang lagi polik sket bunyi eh raso eh...:)

Anonymous said...

hahaha yes, that is minang language

sephia sophia said...

hihihi...:)

Cullen's Anne said...

den oghang nogori gak.bagus blog ni..ado jugak yang bule blajo ckp nogori...tp den xslalu ckp bhso sndghri...jarang cakap...huhuhu

Cullen's Anne said...

den oghang nogori gak.bagus blog ni..ado jugak yang bule blajo ckp nogori...tp den xslalu ckp bhso sndghri...jarang cakap...huhuhu

sephia sophia said...

xpo2 kito belaja sesamo haha..

skinhead said...

Dulu semasa bersekolah saya berkawan dgn ramai budak-budak Minang Selangor. Saya dapati bahasa Minang di Selangor sedikit berbeza sebutan / pilihan perkataannya dengan bahasa Minang di Negeri Sembilan... betul ke? Contoh perkataan 'jauah=jauh, waang=engkau, dima=dimana, kama=kemana,sia=siapa' dan lain-lain.

sephia sophia said...

@skinhead, betul la kot..sy pun x pasti tentang ni. yg sy tulis ni loghat negeri sembilan yg biasa dengar. kalau dengar org2 tua bercakap, ada gak yg x paham sbb diorang guna bahasa minang lama hehe..

Unknown said...

kalau di danga (dengar) bahasa n9 ko mirip samo bahaso minang dari "payakumbuh/payokumbuah" kebanyakan menggunakan "O" babeda samo bahaso yang dipakai di bukittinggi tapi tatap sajo aden mangarati bahaso n9 hampir mirip soalnyo samo bahaso minang.

sephia sophia said...

waduh..kok bahasa kamu pn sey susah nk paham hehe..

Anonymous said...

Ayoo bonaa akak cik. Dah kojo kek putrajaya tak lupo dongan bahaso kito. Kok jumpo oghang nogoghi tu boboghaklah guno bahso kito. Banyak lak waghih kito bilo dah kojo gomen tu lupo lak nak malu lak nak cakap nogoghi. Angkek bahso kito, jan lupo budayo kito, asa usul kito. Di sanun kito dibosakan.

Anonymous said...

Cubo lah sanak maliek loghat Minang Rokan Hilir , Indak ado bedo jo baso negeri sembilan doh.

Anonymous said...

Bona tu sanak. Kito samo yo baso eeh. Eden ado nengok tv tontang baso minang rokan hilir samo jo bahso nogori. Asa usul kito samo keturunan minang meski beda negaro. Takdo bedo doh!

Anonymous said...

Kek Nogori Semilan ado satu tompek namo ee Bukit Rokan...den ado poie sanun buek kojo. Tompek ee jauh daghi somban

Anonymous said...

Tu sanak kito dari rokan sumatera, bukan bkt rokan nogori. Apo pun timo kasih krn sudi menjongah blog ini besamo oghang2 nogori.

sephia sophia said...

hahaha...tak sangko sey ghamai gak oghang nogori yang komen2 kek sinia ha. Maap la, sey dah lamo tak masuk blog nia ha busy dek kojo. Sekaghang pun online dah pakai fon. Maleh nak masuk blog guno fon, kocik bona.

Anonymous said...

Sangaik mirip bahaso ambo di kampar sumatera bagaimano pun kito kan badunsanak

Anonymous said...

Oh iyo bahaso n9 samo dongan kampar riau province ternyato dari luhak limo puluah koto di sumatera barat

merong maha wangsa said...

Den memang suko klau dapat burak sleng nesmilan..buet den teringat maso den tinggae kek Seromban lu...macam2 cito...

Unknown said...

Hye ayo ughang nismilan keturunan minang....tp dibosakan kek joho ...dh jarang dh burak loghat sendighi...susah sekarang ni nak jumpo ughang yg boleh speaking...haha nk jugak ayo ni blajo baso minang..baso tok nenek dulu...

Rio gefani said...

Kalau aden ughang minang asli daghi batu sangka kabupaten tanah datar
Uma den ndak jauah dari istano pagaruyuang,adolah sekitar 25km
Salam kenal dunsanak sadonyo..

Unknown said...

Mungkin ramai yg tak tau, ada juga kampung di N Sembilan yg masih pekat dialek minangnya iaitu di Lenggeng (kg den ni) dlm N Sembilan, sekitar kawasan Beranang/Semenyih dlm negeri Selangor yg mana kawasan ini bersempadan dgn Lenggeng. Tak lupa juga kg Rais Yatim Kg Gagu di Jelebu. Jgn lupo asal usul kito.

Anonymous said...

Kampuang awak tu. Langgiang namonyo. Pakek baso minangnyo. Ka siko lah sadonyo kito mangecek minang....moh kito ko longgeng, nogori sombilan, daerah adat berbudayo minang.

Rio gefani said...

👍👍

Rio gefani said...

Onde mande... Yo mirip jo baso minang awak mah... Semoga kekal sampai ka anak cucu budayo jo bahaso awak ko.. Salam dari tanah datar,, Sumatera Barat

Related Posts Plugin for WordPress, Blogger...
 

sephiasophia =) Template by Ipietoon Blogger Template | Gadget Review